ONWERKLIKE TERT – SULTANSGENOT

ONWERKLIKE TERT / SULTANSGENOT

Dis waarlik onwerklik hoe die tert lyk as dit klaar gebak is. Die bestanddele word alles op een slag in ‘n bak gegooi, maar as dit gaar is het die tert ‘n behoorlike kors, met ‘n vlavulsel in die middel en ‘n klapperbolaag.

4 eiers
50 ml margarien
200 g (250 ml) suiker
60 g (125 ml) koekmeel
2 ml sout
3 ml bakpoeier
500 ml melk
80 g (250 ml) klapper
5 ml vanilla geursel

Voorverhit die oond tot 180ºC.
Plaas al die bestanddele in ‘n mengbak en klits totdat al die bestanddele goed gemeng is.
Giet die beslag in ‘n gesmeerde, oondvaste 24 cm-tertbord.
Bak in die voorverhitte oond vir sowat 45 – 55 minute lank of totdat die bo-kors goudbruin en die vlavulsel gestol is.
Lewer sowat 12 skywe.

Resep en 3de foto: Petré van Jaarsveld
Foto’s: Zita Harber