ONGEBAKTE SJOKOLADEKOEKIES

My man se gunsteling. Hulle verdwyn so ongemerk.

125 g margarien of botter
500 ml witsuiker
125 ml kakao
125 ml melk
750 ml hawermout
250 ml klapper
2,5 ml vanilla geursel

Plaas die margarien, suiker, kakao en melk in ‘n pot op die stoof en kook die bestanddele vir presies 5 minute saam. Haal van die plaat af.
Roer die hawermout, klapper en vanilla geursel by die gekookte bestanddele in die pot en meng goed deur.
Skep lepelsvol van die beslag op ‘n gesmeerde bakplaat of in klein “cupcake” papiertjies en laat staan eenkant totdat die koekies goed afgekoel het.

Foto: Elizé Le Roux-Diedericks