OLIVA POMODORIMI PASTA

15 ml olyfolie
1 ui, opgesny
10 ml gerookte paprika
sout en gemaalde swartpeper
50 ml witwyn
1 cm vars gemmer, fyn opgesny
2 knoffelhuisies, opgesny of gepars
20 0lywe, ontpit en gehalveer
5 ml rissievlokkies
15 ml rooiwyn asyn
250 g kersietamaties
3 tiemietakkies
5 ml bruinsuiker
gesnipperde grasuie en opgesnyde brandrissie
250 g spaghetti al dente

Kook die spaghetti vir 8 minute in soutwater, dreineer en plaas in ‘n bak ys water.
Verhit die olie in ‘n pan.
Geur die uie met sout, peper en paprika en braai die uie tot glanserig op medium hitte.
Voeg die witwyn by saam met die gemmer, olywe, knoffel en rissievlokkies en roer deur totdat die alkohol verdamp het.
Voeg die rooiwyn asyn by, roer vir so ongeveer ‘n minuut en voeg nou die kersietamaties en tiemie by.
Roer deur en strooi die bruin suiker oor en laat prut tot die tamaties begin oop bars.
Geur met nog gemaalde swartpeper. Dreineer die pasta en voeg by.
Roer deur tot goed verhit en strooi gesnipperde grasuie en rissies oor.

Foto en resep: Johan Rossouw