OLIEKOEKIES

Resep en foto: Ilze Jacobs
Ek deel ‘n resep wat ek op allrecipes.com gekry het, maar aangepas het na ons smaak. ‘n Maklike en vinnige koekieresep, en goedkoop ook.

190 ml olie (ek gebruik Canola)
190 ml suiker
2 eiers
10 ml vanilla geursel
625 ml koekmeel
5 ml koeksoda
½ teelepel sout
250 ml choc chips (ek sny ‘n halwe blok sjokolade in stukkies)
Meng die olie, suiker, eiers en vanilla saam.
Voeg die droë bestanddele en die sjokolade by en meng totdat alles net deurgemeng is.
Vorm in klein balletjies, omtrent so groot soos ‘n outydse nickerball.
Plaas op ‘n bakplaat, uitgevoer met bakpapier. Plaas so 15 balletjies op die bakplaat, want die koekies sprei uit as hulle gebak word.
Druk effens plat met ‘n vurk en bak vir 8 – 10 minute by 180° C tot goudbruin.
Laat afkoel en verpak in ‘n lugdigte houer.
Opsioneel: Voeg by 125 ml klapper/gekapte neute/rosyne.