NIGGIE LYNETTE SE MELKTERT

Resep geplaas deur en foto: Cecilia Woest Hunwick
Op die foto het ek die beslag twee keer aangemaak. Die resep kom van my niggie in Thabazimbi, Lynette.

• Kors:
• 1 ½ koppies koekmeel
• 2 teelepels bakpoeier
• 1 eier
• sout
• 4 eetlepels margarien/botter
• ½ koppie suiker
• 1 teelepel Vanilla geursel
• Vulsel:
• 1 liter melk
• 1 koppie suiker
• 3 eetlepels koekmeel
• 3 eetlepels mielieblom
• 3 eetlepels margarien/botter
• 3 eiers
• Kors:
• Klits margarien en voeg suiker bietjies gewys by.
• Voeg eier en vanilla by en klits tot romerig.
• Sif droë bestanddele saam en meng in by eiermengsel.
• Druk deeg in gesmeerde tertbak vas.
• Bak in oond op 180ºC tot ligbruin en gaar.
• Vulsel:
• Verhit melk en margarien/botter saam op stoof.
• Klits suiker, koekmeel, mielieblom en eiers saam tot opgelos.
• Roer by warm melkmengsel op stoof.
• Kook oor stadige hitte tot dik en gaar.
• Roer aanhoudend! Verhoed vasbrand!
• Skep in gaar kors, strooi kaneel oor en Walla!