MINETTE SE ‘PULLED PORK’ PASTA
‘Pulled pork’ is seker een van my gunsteling dinge om te eet. Ek het so paar weke terug ‘pulled pork’ gemaak en daarvan gevries. Ek het hierdie idee gekry by Panarotti’s. Hulle het ‘n soortgelyke pasta waaroor ek mal is. YUM! Aldus Minette.
- ½ pak spaghetti
- 1 groot rooiui, gekap
- ½ – 1 pak 250 g knopie sampioene, na smaak
- 300 – 500 g beenlose varkvleis, ontvries of saggekook volgens jou voorkeurmetode
- Witsous:
- 4 eetlepels botter
- 4 eetlepels meel
- 500 ml melk
Indien jy gevriesde ‘pulled pork’ het, ontvries die hoeveelheid wat jy benodig – of kook tot gaar volgens jou metode van voorkeur.
Kook spaghetti volgens aanwysings op verpakking.
Braai rooiui en sampioene saam tot goudbruin.
Bewerk die vark met twee vurke om ‘pulled pork’ te vorm, of volgens jou eie metode.
Maak ‘n witsous van die sous bestanddele. Voeg alles bymekaar en sit voor saam met ‘n groenslaai.
Resep en foto: Minette Mirie van der Westhuizen
Category:
