MIKROGOLF WORTELKOEK

Ek het die resep geplaas met die foto. Die versiersuiker is aangemaak met suurlemoensap. Ek het gou neute en rosyne opgesit, want die versiersuiker stol gou.

Beslag:
250 ml koekmeel (1 koppie)
5 ml bakpoeier
5 ml koeksoda
5 ml fyn kaneel
2 ml sout
200 ml bruinsuiker
2 eiers, geklits
180 ml kookolie
5 ml vanilla geursel
100 g pekanneute, gekap
2 appels, gerasper
50o ml wortels, gerasper
Versiersel:
60 ml botter
250 roomkaas
5 ml vanieljegeursel
125 ml versiersuiker

Spuit ‘n mikrogolf pan en voer met bakpapier uit (ek het ronde mikro pan met gat in die middel gebruik en net goed gespuit, maar in die roomys bak het ek wel die bak uigevoer).
Sif die droë bestanddele saam in ‘n mengbak.
Klits die bruinsuiker, eiers, olie en geursel saam.
Voeg die res van bestanddele by en meng deur.
Skep in die voorbereide pan.
Plaas op omgekeerde piering in die mikrogolf en mikrogolf 14 min op hoog of tot die koek effens wegtrek van die kante van die pan.
Keer uit op ‘n draad rak en laat heeltemal afkoel.

Roomkaas versiersel:
Baie belangrik – Alle bestandele moet teen kamertempratuur wees.
Meng die botter en roomkaas baie goed met ‘n klitser.
Voeg die vanilla geursel by en meng weer goed.
Sif 125 ml versiersuiker bo-oor terwyl jy steeds meng tot mengsel glad is.
Versier die koek soos verkies.

Resep en foto: Georgie van Wyk