MELKBROOD / BROODROLLETJIES

1 eetlepel suiker
2 teelepels sout
1 koppie louwarm water
okkerneut grootte nat suurdeeg (vra by die bakkery)
8 hoogvol koppies koekmeel
3 geklitste eiers
750 ml (ongeveer) sterk warm melk
300 g gesmelte botter

Meng die suiker en sout saam in ‘n mengbak en voeg ‘n koppie louwarm water by.
Voeg nou die suurdeeg by en klits goed.
Voeg so ‘n paar eetlepels meel by die nat bestanddele en klits goed. Dit moet soos pannekoek deeg lyk. Sit eenkant neer en laat goed rys.
Voeg die suurdeeg, eiers, melk en botter by die koekmeel en knie goed.
Smeer ‘n bak liggies met olie en plaas die deeg in die bak. Maak toe met ‘n plastiek en ‘n doek.
Laat die deeg weer rys. Nou kan die deeg vir brood of broodrolletjies gebruik word.
Plaas die broodrolletjies op ‘n gesmeerde bakplaat (of die deeg in ‘n broodpan), smeer met bietjie gesmelte botter en laat weer rys tot verdubbel.
Bak vir ongeveer 40 minute teen 180ºC.

Resep en foto: Alta Gunter van Dyk