MEISIE SE HERDERSPASTEI

Maak solank jou kapokaartappels voor die tyd.

6 aartappels in blokkies gesny tot sag en gooi water af
margarien
sout
melk

Maak die aartappels fyn en voeg die res by na smaak, druk fyn en roer goed deur.
Kapokaartappels moenie te pap wees nie. Hou die kapokaartappels eenkant.

2 medium opgekapte ui, fyngekap
1 groen soetrissie, fyngekap
1 wortel, fyngekap
1 aartappel, in klein blokkies gesny
500 g maalvleis
1 eetlepel braaivleis speserye
2 eetlepels seesout
½ koppie blatjang
geklitste eier vir bo-op smeer
gerasperde kaas, opsioneel

Braai uie en soetrissie tot sag . Voeg maalvleis by uiemengsel saam met die res van bestanddele en 1 koppie water.
Kook oor matig hitte tot wortels en aartappels sag is.
Pak vleismengsel in bak, skep kapokaartappels bo op, krap mooi met vurk en verf met eier.

Nota:
Ek het kaas oorgestrooi, soos op die foto.
Bak vir 30 minute by 180ºC vooraf verhitte oond tot kapokaartappels ligbruin is.

Resep en foto: Meisie van der Colff