MARIAN SE HEERLIKE SKAAPSKENKELS

Resep en foto: Marian van Deventer
Het vanaand my mense met Lamb Shank en mash bederf.

• 6 heel skaapskenkels (Lamb Shanks)
• 1 koppie rooiwyn
• 1 bottel bbq marineersous
• 1 ui
• 1 eetlepel fyn knoffel
• 1 pakkie sampioene
• 2 wortels
• vleis versagter (Meat tenderiser)
• BBQ spice
• Roosmaryn – Ina Paarmen
• Sout
• olie vir braai
• Sprinkel die vleis versagter( Meat tenderiser) oor en marineer vleis in marineersous vir ongeveer 1 uur.
• Vee sous met jou hande van die vleis af en braai die vleis in ‘n pan met bietjie olie net tot ‘n mooi kleur regom. Hou eenkant.
• Sny die ui, wortels en sampioene op en sit onder in ‘n pan. Meng ‘n eetlepel fyn knoffel deur die groente.
• Sprinkel die speserye en sout oor die vleis.
• Meng die marineersous en wyn met mekaar en giet oor die vleis. Bedek met foelie.
• Bak in 180°C oond vir 2 ure of tot heerlik sag.