MANGOKONFYT MET PYNAPPEL VARIASIE
Mangokonfyt en mango pynappelkonfyt. Eerste probeerslag. Voel nogal trots op myself. Dankie vir almal se resepte en admin vir harde werk.
- 2 kg mango’s in blokkies gesny (myne was net lekker geel nie oorryp nie)
- 1.5 kg suiker
- 80 ml suurlemoensap
- 2.5 ml sout
- klontjie botter
- Variasie:
- 2 blikke fyn pynappel (440 g elk)
Strooi die suiker, sout en suurlemoensap oor die mangoblokkies en roer goed deur.
Laat staan vir 15 minute.
Verhit oor stadige hitte tot suiker gesmelt is. Voeg botter by.
Kook vinnig vir ongeveer 30 minute (doen toets) of tot regte dikte bereik is.
Roer voortdurend en skep skuim af.
Bottel warm in gesteriliseerde bottels en deksels en seël dadelik.
Variasie:
Voeg 2 blikke “crushed” pynappels met die stroop by en kook vir so vyf minute saam.
Resep en foto: Christella Rademan
Category:
