MANDARYN, HEUNING EN SESAME HOENDERBOUDJIES

Rina het verlede week ‘n link vir die resep geplaas…en ek het besluit om dit te maak aangesien ek al die bestanddele in die huis en tuin gehad het – en dit heerlik gelyk het! So hierdie is ‘Mandaryn, heuning en sesame hoenderboudjies’. Baie, baie lekker.”

12 hoenderboudjies (of ander snitte van jou keuse)
4 mandaryne, gehalveer
Sous:
4 mandaryne, gehalveer en sap uitgedruk
sap van 1 suurlemoen
3 eetlepels soyasous
3 eetlepels heuning
4 cm gemmer, geskil en gekap
2 teelepels sesame-olie
2 grasuie, gekap
sesamesaad, na smaak

Pak hoender en gehalveerde mandaryne in oondbak. Meng die sousbestanddele saam en giet bo-oor.
Bak 30 minute toegemaak by 180 °C, en bak dan 15 – 20 minute oop tot gekarameliseerd en bruin bo-op.
Sprinkel grasuie en sesame saad bo-oor en bedien met noedels en groente.

Resep en fotos: Ilze Jacobs