MALVAPOEDING SONDER KOEKSODA

Resep en fotos: Wiltas Boskind Vercuiel
“Die malvapoeding het toe mooi uitgekom sonder koeksoda. Ek het die koeksoda uitgelos en bakpoeier gebruik. So, al wat ek verander het is ek het 2 teelepels bakpoeier gebruik in plaas van 1 teelepel koeksoda.”

2 eetlepels botter
1 koppie suiker
2 eiers
1 opgehoopte eetlepel appelkooskonfyt
2 teelepels bakpoeier
½ koppie melk
1 teelepel asyn
1¼ koppies koekmeel
‘n knippie sout
Sous:
1½ koppies melk
¾ koppie suiker
½ koppie botter
Klits eiers, suiker, botter en appelkooskonfyt saam. Klits nou res van bestanddele by.
Skep in voorbereide oondbak.
Bak in die oond teen 180 °C vir 20 – 35 minute.
Hou die poeding dop. Dit raak vining bruin, maar is nie noodwendig gaar nie.
Terwyl die beslag bak, maak die sous.
Kook al die sousbestanddele in ‘n kastrol. Sodra poeding uit oond kom, steek gaatjies in die poeding met ‘n vurk en gooi warm sous oor.
Laat staan tot al die sous ingetrek het.