MALVALEKKER “FLUFF” (MARSHMALLOW)
Marshmallow fluff.
- 150 g suiker
- 250 g glucose
- 80 g water
- 3 eierwitte
- ½ teelepel kremetart
- 1 teelepel vanilla geursel
- knippie sout
Meng die suiker, water en glukose in ‘n potjie en roer stadig oor lae hitte SONDER OM TE KOOK tot die suiker opgelos is.
Sodra die suiker opgelos is, laat dit kook teen 115°C sonder om te roer.
Klits die eierwitte en sout tot dit soos seeskuim lyk in ‘n groot hittebestande bak.
Voeg die kremetart en vanilla geursel by en klits tot styf, maar nie droog nie.
Sodra die suikermengsel op tempertatuur is, voeg alles op een slag by die stywe eierwitmengsel en klits op medium hoë spoed tot styf (afhangende van jou klitser so 5 tot 8 minute).
Nota:
Gebruik tussen koeklae as vulsel of as versiersel of bo-op brownies of as meringue vir ‘n lemon meringue op ‘n reënerige dag.
Hy skroei pragtig met’ n blaasvlam.
Dis stabiel en kan lank hou.
Foto en resep: Frikkie Jones
