MAKLIKE KARAMELSOUS
Ek het hierdie lekker resep op die internet gekry aangestuur na my toe deur vriende.
- 1 koppie suiker
- ½ koppie water
- 1 eetlepel botter
- ½ koppie melk
- knippie sout
Meng die suiker en water in ‘n klein kastrolletjie. Plaas die kastrol oor medium-hoë hitte en plaas ‘n deksel op die kastrol. Sodra die water tot ‘n rollende kook gekom het, verwyder die deksel. Moenie die karamel na hierdie punt roer nie, anders loop jy die risiko dat jou karamel korrel word deur suiker kristalle van die kante van die pot in die mengsel in te voeg. Kook die karamel totdat dit ‘n goue bruin kleur is. As jou karamel oneweredig kook, kan jy die pot saggies draai. Verwyder die pan van die hitte af en klits die botter in. Sodra dit gesmelt het en goed gemeng het, voeg dit geleidelik in die melk terwyl jy roer sodat dit goed meng. Wees versigtig omdat die melk vinnig kan kook as dit die warm karamel tref en die temperatuur te vinnig verander, kan die karamel skei.
Plaas die karamelsous op medium hitte. Voeg die sout by en roer die mengsel tot dit goed gekombineer is. Kook vir 1 minuut totdat die sous effens verdik. Laat die karamel afkoel en bedien oor jou gunsteling roomys of soos verkies.
Nota:
Maak ‘n dubbele of drievoudige hoeveelheid en vries om te geniet wanneer nodig.
Resep geplaas deur : Quintin Strauss
Foto: Bernadene Prinsloo
