MAKLIKE BOELIEBIEF POFFERTJIES

500 ml water
30 ml botter
250 ml koekmeel
1 blik (300 g) boeliebief, fyn gekap (corned beef)
4 ekstra groot eiers, geskei
sout en rooipeper na smaak
olie vir diepvetbraai

Bring die water en botter tot kookpunt in kastrol.
Voeg die koemeel alles op een slag by en roer vinnig met ‘n houtlepel tot dit van die kastrol se kante wegkom en ‘n bol vorm.
Verwyder van die hitte en voeg die boeliebief by.
Roer die eiergele, sout en rooipeper by.
Klits die eierwitte tot dit sagte punte vorm. Vou die eierwitte by die mengsel in.
Braai lepelsvol in vooraf verhitte olie tot goudbruin en gaar.
Dreineer op handdoekpapier en sit warm voor.

Resep en foto: Amanda Austen