MAKLIKE ASPERSIETERT

Kors – meng die volgende en verkoel:
70 g smeer
100 g koekmeel, gooi maar nog by as jy voel dit kort meel
60 g gerasperde kaas
knippie paprika
knippie sout
Vulsel:
blik aspersies
200 ml suurroom
25 ml koekmeel
5 ml bakpoeier
2 ml mosterd
1 groot ui, gekap en gebraai
sampioene, opsioneel
50 g gerasperde kaas
sout, peper
3 eiers, effens geklits

Ek het sommer bietjie sampioensoppoeier bygesit vir smaak.

Voor verhit die oond by 180 ºC. Druk die deeg in ‘n voorbereide oondbak vas om ‘n kors te vorm. Steek gaatjies met ‘n vurk in die deeg en bak tot effe verkleur. Giet vulsel in die kors, strooi gerasperde kaas bo-oor en bak so 35 tot 40 minute.

Resep en foto: Sonja Zino