MAGDE SE HEERLIKE SAMPIOENVULSEL

250 g gesnyde witsampioene, gebraai in bietjie margarien
250 ml room
1 blikke knoffelroomsampioene
1 pakkie sampioen soppoeier, ek meng dit gewoonlik met die room

Ek kook alles vinnig saam en gooi ekstra knoffel by vir ons familie.
Indien dit ‘n rukkie koud word, is dit styf, as dit te styf is gooi net bietjie melk by.
Dis heerlik as dit koud bedien word in ‘n vulsel of soos ek dit op roosterbroodjies maak.
Vir afronding rasper ek bietjie kaas oor.

Resep en foto: Magde Van der Kolff