MACARONI EN KAAS

My ma se ou Macaroni-en-Kaas resep. Ek voeg gewoonlik nie die spek by nie en gebruik dalk minder botter en minder tamatie (net paar skywe):

2 koppies macaroni
1½ koppies melk
4 eiers
1 hoogvol koppie gerasperde kaas
½ koppie gesnipperde spek, opsioneel
1 teelepel sout
1 teelepel mosterdpoeier
1 eetlepel botter
1 koppie droë broodkrummels, of meer
1-2 tamaties, in skywe gesny

Kook macaroni sag in sout kookwater en water af.
Klop eiers effens, voeg melk, kaas, smaakmiddels, spekstukkies (opsioneel), asook macaroni by. Plaas in gesmeerde bakskottel, plaas tamatieskywe bo-op, bestrooi met broodkrummels en plaas stukkies botter daarop.
Bak teen 180°C vir 30-40 minute tot goudbruin en stewig.

Foto en resep: Carl Schoombie