MACARONI EN HOENDER LEWERTJIE GEREG

4 hande vol/porsies macaroni
500 g skoongemaakte hoenderlewertjies
1 gekapte ui
250 g gesnyde sampioene
1 eetlepel gekapte knoffel en gemmermengsel
suiker na smaak
sout en rooi peper na smaak
± 2 koppies tuisgemaakte medium dikte kaassous
2 eiers
bietjie melk

Kook macaroni in sout water volgens aanwysings tot ”al dente”. Spoel af in koue water en hou eenkant.
Braai uie en sampioene tot sag, sit dan knoffel en hoenderlewertjies by.
Sprinkel dan sout, rooi peper en suiker by. Braai tot gaar, pasop vir te veel vloeistof.

Meng hoenderlewertjie mengsel en pasta by mekaar.
Meng eiers en bietjie melk bymekaar, en meng deur die pastamengsel.
Skep die pastamengsel in gespuite bak, giet kaassous bo-oor.
Pak skyfies tamaties bo-op. Geur met aromat.
Sprinkel gerasperde kaas oor.
Bak in oond teen 180ºC tot gaar en rooster dan van bo af tot kaas goud bruin is.

Laat afkoel vir 20 min voor opskep.

Foto en resep: Nicolette Van Jaarsveld