MAALVLEIS EN MACARONIGEREG

375 ml macaroni
380 g maalvleis
10 ml olyfolie
1 ui, gekap
2 knoffelhuisies, gekap
30 ml tamatiepasta
5 ml brandrissiepoeier
5 ml paprika
3 ml droë origanum
20 ml wit of bruin suiker
1 blik (410 g) ingemaakte tamaties
10 ml basil pesto
250 ml gerasperde kaas
sout en peper na smaak

Maak die macaroni gaar volgens die aanwysing op die verpakking. Dreineer en hou warm.
Verhit ‘n pan oor matige hitte en braai die maalvleis ongeveer 3 minute of tot bruin.
Skep die gaar vleis uit met ‘n gaatjieslepel en hou dit eenkant.
Verhit die olie in dieselfde pan en braai die ui en knoffel vir ongeveer 2 minute.
Roer die tamatiepasta, rissiepoeier, paprika, origanum, suiker en ingemaakte tamties by.
Plaas die maalvleis terug in die sous en prut verder vir ongeveer 10 minute. Roer af en toe.
Geur die mengsel met sout en peper na smaak.
Roer die maalvleismengsel by die macaroni, strooi die kaas oor en meng deur. Bedien warm.

Foto en resep: Amanda Austen