MA SARAH SE MELKTERT MET FILODEEG

Resep en foto: Floraine Wasserman Venter

• Vulsel:
• 6 koppies melk
• 5 ml sout
• 5 eetlepels botter
• 6 groot eiers
• 250 ml koekmeel
• 4 eetlepels Maizena
• 350 ml suiker
• 10 ml vanilla geursel
• 5 ml karame lgeursel
• 1 kaneelstok
• Klits eiers met sout en suiker tot liggeel en donsig. Neem 250 ml melk en voeg meel en Maizena by, roer goed, voeg by eiermengsel en klits weer.
• Bring res van die melk tot kookpunt met stokkaneel in. Voeg gedeelte kookmelk by meelmengsel, voeg by res, roer goed met balklitser.
• Bring alles weer tot kookpunt, roer kort-kort, pap moet lekker dik en deurgekook wees.
• Roer geursel en botter in tot gesmelt. Laat afkoel tot  kamertemperatuur.
• Kors:
• Gekoopte phillo-velle. Ek gebruik so 5/6 velle op tertbord, elke vel gesmeer met gesmelte botter, vou na smaak.
• Bak korse by 180 ºC tot ligbruin en krakerig.
• Haal kaneelstok uit pap en skep lepelsvol in korse.
• Sprinkel geil met kaneelpoeier en plaas in yskas tot gestol.
• Variasie:
• Roer 300 ml geroosterde klapper by papmengsel voor dit in korse geskep word.