LORAINE SE KAAS, SPEK EN HAM MINI BROODJIES
Resep en fotos: Loraine Groenewald Roelofse
- 310 ml koekmeel
- 5 ml bakpoeier
- 4 gesnipperde sprietuie
- 350 g gerasperde Cheddarkaas
- 125 g gesnipperde spek
- 125 g gesnipperde ham
- 5 ml mosterdpoeier
- 4 eiers, geklits
- sout en peper na smaak
- 10 ml soetrissiesous
- 5 ml olie
- 60 ml karringmelk
- Verhit oond tot 180°C en smeer mini broodpannetjies met olie.
- Sif die koekmeel en bakpoeier saam.
- Roer die sprietuie, Cheddarkaas, spek en ham saam. Moenie die spek gaarmaak nie, aangesien dit die broodjies geur terwyl die deeg gaar word.
- Meng eiers, sout, peper, mosterdpoeier, soetrissiesous, olie en karringmelk in ‘n beker.
- Giet by meelmengsel en meng goed.
- Skep lepels vol deeg in die voorbereide mini broodpannetjies en bak vir 20 min, of tot toetspen skoon uitkom.
- Laat afkoel en keer uit op afkoelrak.
Category:
