LIPLEK TAMATIEHOENDER

5 hoenderfilette, in repe gesny
sout en peper na smaak
olie, om in te braai
2 uie, in ringe gesny
1 groen soetrissie, in repe gesny
150 ml water
30 ml suiker
60 ml blatjang
30 ml Worcestersous
50 ml tamatiesous
30 ml tamatiepasta

Geur die hoenderrepe met sout en peper en braai in verhitte olie tot rondom bruin. Skep uit en hou eenkant.
Soteer die uie en soetrissie in olie tot sag.
Voeg die res van die bestanddele by en verhit tot kookpunt. Roer gereeld.
Verlaag die hitte, voeg die hoender by die sous en prut tot sous verdik en hoender gaar is.
Dien op met rys en groente.

Resep en foto’s: Amanda Austen