LEMOENKLAPPERKOEK

2 koppies bruismeel
100 g margarien
60 ml olie
180 ml suiker
3 eiers
80 ml growwe klapper
8 teelepels melk
knippie fyn kaneel
gerasperde skil van een lemoen
sap van een lemoen
Versiering:
2 koppies versiersuiker, gesif
60 ml margarien
sap en skil van een lemoen

Room die margarien tot romerig en voeg die olie by.
Voeg die suiker by, en meng deur. Voeg die eiers een vir een by en klits goed na elke byvoeging.
Sif die droë bestanddele en voeg by die eiermengsel.
Voeg melk, sap, klapper en skil by en meng deeglik tot gladde beslag vorm.
Skep in vierkantige of ronde gesmeerde pan.
Bak by 180ºC in die oond vir 25 minute of tot die toetspen skoon uitkom.

Versiering:
Meng die versiering bestanddele tot romerig en smeer oor koek wanneer die koek heeltemal af gekoel het.
Geniet dit is heerlik.

Resep en foto: Charlene Polman