LEMOEN KARRINGMELKBESKUIT

6 x 250 ml bruismeel
5 ml gemengde speserye
10 ml bakpoeier
250 ml strooisuiker
5 ml sout
300 g sagte margarien
15 ml gerasperde lemoenskil
5 ml anyssaad
3 eiers, geklits
220 ml lemoensap
300 ml karringmelk

Voorverhit die oond tot 180ºC.
Spuit ‘n oondbak of 2 broodpannetjies met kleefwerende kossproei.
Sif die bruismeel, gemengde speserye, bakpoeier, strooisuiker en sout saam.
Vryf die margarien by die droë bestanddele in tot dit soos krummels lyk.
Meng die lemoenskil en anys by.
Klits die eiers, lemoensap en karringmelk saam, voeg dit by die meelmengsel en meng goed deur tot ‘n deeg.
Skep die deeg in die oondpan of broodpannetjies en bak vir 60 – 65 min tot gaar of toets met ‘n toetspen.
Laat die beskuit effe afkoel en keer dit uit die panne.
Sny die beskuit in skywe en droog uit in ‘n louwarm oond van 70ºC.

Resep en foto: Amanda Austen