LEKKERSTE PIESANG MUFFINS
- 500 ml koekmeel
- 5 ml koeksoda
- 5 ml bakpoeier
- 5 ml fyn kaneel
- 250 ml witsuiker
- 4 medium of 3 groot oorryp piesangs
- 250 ml mayonnaise
- 10 ml vanilla geursel
Druk die piesangs fyn met ‘n vurk en meng met die mayonnaise. Voeg geursel by en meng deur.
Sif die meel, koeksoda, bakpoeier en kaneel saam. Voeg die suiker by en meng deur.
Voeg die droë bestanddele by piesangmengsel. Vou in tot goed gemeng.
Skep in ‘n voorbereide pan met 12 muffin holtes.
Bak vir 30 minute by 180°C of tot gaar (moenie oorbak nie).
Resep en foto: Elaine Steyn
Category:
