LEKKER WITKOEK

125 ml water
125 ml kookolie
250 ml melk
500 ml koekmeel
½ teelepel sout
4 eiers
375 ml suiker
5 ml vanilla geursel
10 ml bakpoeier

Kook saam water, kookolie en melk.
Haal van plaat af en hou eenkant.
Sif koekmeel en sout saam in ‘n mengbak.
Klits in ‘n aparte bak eiers, suiker en vanilla (ek gebruik my elektriese menger met sy bak).
Voeg nou die melkmengsel en die meelmengsel bietjies gewys om die beurt by die eier-mengsel, terwyl jy dit klits tot alles gemeng is.
Voeg nou bakpoeier by en vou in.
Spuit jou koekpanne, skep die deeg in en bak 30 min of toetspen skoon uitkom.

Resep en foto: Petro Labuschagne