LEKKER VIS- EN RYSGEREG

Lekker visgereg van my Tannie Elize Dreyer.

1 – 2 koppies gekookte rys
3 stukkies gekoopte stokvis (kan aangepas word volgens grootte van bak)
1 – 2 koppies witsous, nie te dik nie
¼ teelepel kerriepoeier
gerasperde kaas

Maak die witsous soos gewoonlik en voeg die kerriepoeier by. Kook net deur.
Plaas ‘n ryslaag onder in ‘n oondbak.
Pak die vis bo-op die rys en skep die witsous oor die vis.
Strooi kaas oor die gereg en rooster in die oond tot borrelrig en bruin en die vis gaar.

Nota:
Ek het die rys gegeur met sampioene, fyn gekerfde uie en gemengde groente (ertjies en pitmielies)

Resep en foto: Hannalie Kitshoff