LEKKER KERRIE-FRIKKADELLE

Resep: Benhet Nieuwenhuizen
Foto: Laurette Hitchcock

Frikkadelle:
1.2 kg beesmaalvleis
1 ui, baie fyn gekap
1 eetlepel tamatiesous
1 eetlepel Worcestershiresous
1 eetlepel blatjang
1 teelepel appelkooskonfyt
knypie gemaalde koljander
knypie gemaalde kruienaeltjies
1 teelepel sout
peper na smaak
1 koppie vars broodkrummels (ek het oats gebruik)
1 eier
Sous:
4 eetlepels olie
2 uie, gekap
375 ml witasyn (ek’t bietjie minder gevat)
5 eetlepels blatjang
187 ml suiker
1 eetlepel matige kerriepoeier
1 eetlepel appelkooskonfyt (ek 2 eetlepels gevat)
knypie kaneel
knypie rooipeper
Meng alles vir frikkadelle goed saam en maak balletjies. Pak in ‘n oondvaste bak.
Bak vir 20 min by 180ºC.
Meng alles vir sous en laat kook 20 min op laag.
Na 20 min giet oor frikkadelle en bak nog 15 min.