LEKKER BROCCOLIGEREG
- 3 eiers
- ½ teelepel sout
- ¼ teelepel peper
- ½ teelepel basiliekruid
- ½ teelepel tiemie
- 1 ui, fyn gekerf
- 1 teelepel knoffel
- 1 koppie koekmeel
- 60 ml olyfolie
- 1 teelepel bakpoeier
- gerasperde kaas vir bo-oor
Kook broccoli in soutwater en dreineer.
Voeg eiers, sout, peper, basiliekruid en tiemie by en druk fyn.
Braai ui en knoffel liggies en voeg by broccolimengsel.
Voeg koekmeel by.
Voeg olyfolie en bakpoeier by.
Meng goed.
Skep in gesmeerde oondbak.
Strooi gerasperde kaas bo-oor.
Bak 15 tot 20 minute teen 180°C tot goudbruin.
Nota:
Gebraaide spek of sampioene kan na smaak bygevoeg word.
Mens kan ook blomkool gebruik.
- Blomkoolgereg
- 1 heel blomkool, breek in blommetjies
- 1 ui, fyngekap
- 1 koppie koekmeel
- 2 eetlepels olie
- 1 teelepel bakpoeier
- ½ teelepel sout
- 2 eiers
- 1 koppie gerasperde kaas om te bedek
- bros gebraaide spek, opsioneel, na smaak
Voorverhit oond tot 180°C.
Kook blomkool in water net tot sag nie pap nie, dreineer en druk fyn.
Braai die ui tot lig gekarameliseer.
Meng al die bestanddele saam en skep in ‘n gesmeerde oondbak. Bedek met kaas.
Bak 15 to 20 min tot goudbruin.
Resep en foto: Annatjie van Huyssteen
