LAMSNIERTJIES MET UIE OP ROOSTERKOEK

450 g niertjies gehalveer, velletjie en buise verwyder
1 ui, opgesny
15 ml sojasous
5 ml Worcestersous
5 ml rissies
5 ml knoffel
5 ml tiemie, vars
5 ml paprika
60 ml rooiwyn
60 ml Jimmy’s sous
25 ml brandewyn
5 ml gemmer
5 ml mosterdkorrels
10 ml bruinsuiker
sout en gemaalde swartpeper
15 ml olyfolie
15 ml botter

Marineer die niertjies in die soja- en Worcestersous vir 30 – 60 minute.
Braai die ui in die olie en botter tot glanserig.
Voeg die mosterd, knoffel en rissies by en roer deur vir ‘n paar minute.
Voeg die niertjies by en roerbraai tot hulle begin verkleur.
Voeg die brandewyn, wyn en braaisous by saam met die res van die bestanddele, behalwe die suiker.
Braai deur tot sous verdik en voeg dan die suiker by.
Laat prut op lae hitte tot gaar.
Bedien op roosterkoek met pietersielie. Alternatiewelik, kapokaartappels, rys of pasta.

Resep en foto: Johan Rossouw