LAMSKENKEL MET SPESERYRYS EN SOETWORTELS
My Valentyns ete en eerste keer dat ek iets opsit. Ek geniet die blad verskriklik, baie dankie.
- Lamskenkel:
- ± 350 g lamskenkel
- 1 medium ui, opgekap
- 1 wortel, opgekap
- ½ groen soetrissie, opgekap
- sout en peper, na smaak
- droë beesaftreksel poeier, na smaak
- 2 teelepels Bisto
- 1 teelepel mielieblom (Maizena)
Vryf die skenkel met sout en peper en beesaftreksel poeier. Plaas in die oond op 160°C saam met die ui, wortel en groen soetrissie. Maak ‘n sous van die aftreksel met die Bisto en Maizena.
- Rys:
- 1 koppie gaar rys
- Braai saam:
- ¼ koppie olie
- 1 ui, opgekap
- ½ elk groen en rooi soetrissie in klen blokkies gesny
- 6 sampioene, gekap
- 2 teelepels speserye vir rys
Meng die gebraaide groente met die gaar rys. Skep in ‘n klein bakkie en keer die vorm uit in die bord.
- Soet babawortels :
- 500 g babawortels
- ¼ koppie suiker
- 3 eetlepels stroop
- 1 eetlepel botter
Kook alles saam op lae hitte tot die wortel sag is en die sousie verdik het.
Resep en foto: Edith Juta Schmidt
Category:
