LAM-, PREIE- EN SAMPIOENPASTEI MET ‘N OORGOOI KORS

Vulsel:
15 ml olyfolie
15 ml botter
½ ui, gekap
10 cm prei, gewas en gekap
350 ml gaar (oorskiet) skaapvleis of 500 g rou maalvleis
250 ml beesekstrak
5 groot sampioene, gekap
1 pakkie “carb smart” romerige sampioensoppoeier
100 ml room
sout en peper, na smaak
Kors:
6 eetlepels gesmelte botter
3 eiers
½ koppie klappermeel
¼ koppie amandel- of sonneblommeel
2 teelepels bakpoeier
2 eetlepels gerasperde parmesankaas
100 ml water
sout en peper, na smaak

Braai die uie en preie in die olie en botter totdat dit deurskynend is (10 minute).
Voeg die vleis, ekstrak en sampioene by en prut totdat die meeste van die vog weggekook het.
Voeg die soppoeier, room en geurmiddels by, en prut vir nog vyf minute.
Skep die mengsel in ‘n gesmeerde oondbak (20 x 10 x 7 cm).
Meng al die bestanddele vir die kors saam en versprei dit bo-oor die vleismengsel.
Bak vir 35 minute by 160 °C tot goudbruin en bedien saam met ‘n groen groente of slaai.

Resep en foto: Ilze Jacobs