LAM-, BOK- OF BEESLEWER IN ROOM EN BRANDEWYNSOUS

Resep en foto:  Jan Salti Viljoen

• 500 g – 750 g lewer, in blokkies gesny
• 2 medium uie, grof gekap
• 500 ml room
• 100 ml brandewyn (jy kan meer, maar ek kan dit nie oor my hart kry nie)
• 5 korrels growwe swart peper
• 30 ml Worcestershiresous
• bietjie olie vir braaipan
• handvol vars pietersielie
• 1 knoffelhuisie
• Aromat na smaak
• 4 medium grote aartappels, in kwarte
• Braai die lewerstukkies en uie in ‘n pan met bietjie olie, tot so halfpad gaar.
• Sprinkel met ‘n bietjie Worcestershiresous en brandewyn, Aromat na smaak, tot uie so effe begin verbruin.
• In ‘n swartpot verhit/ kook al die ander bestanddele, room, brandwyn, pietersielie, aartappels, peper, knoffel totdat die room effens begin verdik en die aartappels gaar is.
• Voeg die lewer en uie by en laat kook vir nog so 3 – 4 min.