LAE-KOOLHIDRAAT KAASKOEKKOLWYNTJIES
“Ek hou glad nie van ‘n lae-koolhidraat kors nie; so ek maak dit sonder dit, maar jy kan maar as jy wil, sal volgende keer probeer vir die tekstuur. Dit is absoluut heerlik, jy sou nooit weet dis lae koolhidrate nie.”
- Kors:
- 1 koppie amandelmeel
- 3 eetlepels pekanneute
- 4 eetlepels gesmelte botter
- Kaaskoek:
- 454 g kamertemperatuur roomkaas (2 bakkies)
- 2 eiers
- 1 eetlepel vanilla-ekstrak
- 2 eetlepels suurlemoenekstrak of suurlemoensap
- ½ koppie versiersuiker of xylitol (kunsmatige versoeter)
Kors:
Meng die bestanddele in ‘n voedselverwerker.
Maak die kors fyn en druk dit in 12 kolwyntjievormpies stewig vas.
Bak teen 175 °C vir vyf minute.
Kaaskoek:
Meng al die bestanddele en versprei die mengsel eweredig in die 12 kolwyntjie-korse.
Bak vir 30 minute by 175 °C .
Laat dit vir 20 minute in die kolwyntjiepan staan nadat dit uit die oond verwyder is, voordat dit uitgehaal word.
Resep en foto: Marisza Olivier
