KWEPERKONFYT

2de Resep: Thea Kemp
1ste Resep en foto: Gisela Pruter

4 middelslag kwepers
1200 g (6 koppies) suiker
500 ml water
Vryf donse van kwepers af.
Rasper kwepers met skil en al tot op die stronk.
Gerasperde kwepers sal verbruin, maar jy hoef nie daaroor te bekommer nie.
Plaas die suiker en water in ‘n groot pot. Bring die mengsel stadig tot kookpunt. Roer die heeltyd. Die suiker moet op gelos wees voor die water begin kook.
Voeg die gerasperde kwepers by wanneer die stroop begin kook.
Roer goed deur en laat kook vir 30 minute – sonder die deksel.
Roer so af en toe.
Bottel warm in gesterilliseerde flessies.
KWEPER KONFYT MET PYNAPPEL
8 tot 10 kwepers, afgevryf
1 pynappel, geskil
5 kg suiker
2½ liter water
Rasper kwepers en pynappel saam, voeg die water en suiker by.
Kook stadig tot suiker opgelos is.
Draai hitte op en kook so 2½ uur tot rooi jellie, bottel warm.