KWEPER-MUFFINS

Gister terwyl ek kwepers inmaak begin ek te wonder hoe sal piesangbrood proe as ek die ‘piesangs’ met ingelegte kwepers vervang. Ek het Rina Kleinhans se piesangbrood resep as basis gebruik.

± 375 ml ingelegte kwepers, met sous
2 eiers
2 koppies koekmeel
½ koppie margarien
1 ½ teelepel bakpoeier
½ koppie melk
1 teelepel vanilla
1 koppie suiker
¾ koppie klapper
¼ teelepel sout

Verpulp kwepers met sous.
Voeg suiker, margarien, vanilla en eiers by en verroom.
Voeg melk, meel, bakpoeier, klapper en sout by.
Meng goed deur.
Skep in voorbereide muffin pannetjies.
Stel oond op 180ºC en bak tot gaar, ongeveer 20 minute, maar toets.

Nota:
Ek het per ongeluk my oond op fan plus grill vergeet, so tyd kan ek nie gee nie.

Resep en foto: Petra van Zyl