KOUE KERRIE EN NOEDELSLAAI

20 ml matige kerriepoeier
3 ml borrie
125 ml mayonnaise
300 ml Bulgaarse jogurt of gewone jogurt
aromat, sout en peper, na smaak
1 blik (170 g) tunastukke, gedreineer
1 Granny Smith appel, ontkern en in blokkies gesny
½ groen soetrissie, in klein blokkies opgesny
100 ml rosyne
250 g noedels

Kook die noedels tot gaar, water af en hou eenkant.
Meng die kerriepoeier en borrie met die mayonnaise en jogurt en geur met die geurmiddels.
Voeg die tuna, appel, soetrissie en rosyne by en meng deur.
Meng die kerriesous met die noedels deur.
Verkoel ‘n uur of langer in die yskas vir die geure om te ontwikkel.

Resep en foto: Amanda Austen