KOUE HOENDER- EN PASTASLAAI

Dit is vreeslik warm by ons vandag, dan soek mens mos iets ligs om te eet. Ek het vanaand hierdie gemaak.

500 g pasta, gaargemaak volgens instruksies op die pakkie en afgekoel
4 hoender schnitzel, gebraai, in repies of blokkies gesny en afgekoel
blaarslaai
3 tamaties, of meer, in blokkies gesny
komkommer in blokkies gesny, hoeveelheid na smaak
Fetakaas
swartpeper
soet mosterd

Meng alles saam en skep bo-op blaarslaai, frummel Feta kaas of Parmesaan kaas oor, lekker vars gekraakte swartpeper, en ‘n bietjie soet mosterd vir ‘n sousie.
Jy kan ook gewone slaaisous gebruik as jy dit verkies.

Nota:
Hierdie slaai kan met soveel verbeelding ‘n heerlike ete wees.
Sit byvoorbeeld soetrissie, agurtjies, perskestukkies of selfs vye by.
Absoluut heerlik vir die warm somer dae. Geniet.

Resep en foto: Zonia Visser