KOOKWATER VETKOEK
- 2 koppies koekmeel
- 25 ml suiker
- 10 ml bakpoeier
- 2 ml sout
- 2 eiers
- 250 ml kookwater, nie kokend net sterk warm
- olie vir vlakbraai
Sif droë bestanddele saam. Klits eiers en kookwater saam.
Klits die hele tyd en gooi die water baie stadig by terwyl jy klits, anders gaan die eiers gaar word. 🙂
(mens kan ook die water by die meel mengsel sit en dan die geklitste eier bysit, dit werk net so goed)
Meng eiermengsel met meelmengsel. Skep lepelsvol in warm, vlak olie en braai tot goudbruin.
Dreineer op kombuispapier.
Resep: Petra Pretorius
Nota Fanie Smit:
As jy baie van vetkoek hou, voeg bietjie suiker en anys by beslag en bak. Dit is nou baie lekker en my gunsteling.
Foto: Ronel Muller Thoma
Hello Rina het vanaand die KOOKWATER VETKOEKE gemaak. Het anys bygevoeg en 1 eetlepel suiker ekstra. Is heerlik en vinnig.
Category:
Ek bak myne sonder die eier en suiker al baie jare kom net so lekker uit. 2 koppies koekmeel, 2 teelepels bakpoeier en sout na smaak maak aan met kraan sterk warm water en bak in vlak olie. Lekker saam met sop.
Heerlik dankie.