KONFYTKOEKIES

Resep en foto: Amanda Austen

• 180 g botter of margarien
• 125 ml suiker
• 1 eier
• 5 ml vanilla geursel
• 315 ml bruismeel
• 140 ml koekmeel
• knippie sout
• 125 ml klapper
• konfyt
• ekstra klapper
• Verhit die oond tot 180°C. Spuit ‘n bakplaat met nie-klewerende middel.
• Room die botter en die suiker. Voeg die eier en vanilla by en klits goed.
• Sif die bruismeel, koekmeel en sout saam.
• Voeg die droë bestanddele asook die klapper by die bottermengsel. Meng goed deur.
• Rol teelepels vol deeg in bolletjies en sit op die bakplaat.
• Druk ‘n houtlepel se steel in meel en druk ‘n holte in die middel van die koekie.
• Bak 15 tot 20 min tot gaar. Laat afkoel en skep konfyt in die gaatjie en strooi klapper oor.