KONDENSMELKBESKUIT MET “NUTTY WHEAT”
- 20 ml (4 teelepels) droë gis
- 30 ml (4 eetlepels) louwarm water
- 5 ml (1 teelepel) suiker
- 1,5 kg koekmeel (ek het helfte koekmeel en helfte Nutty Wheat gebruik)
- 750 ml (3 koppies) louwarm water
- 10 ml (2 teelepels) sout
- 1 blik kondensmelk
- 200 g (250 ml) suiker
- 200 g (250 ml, ½ koppie) botter, gesmelt
- 2 eiers, geklits
- 1 eier, geklits ekstra
Meng gis, louwarm water en suiker en bedek met kleefplastiek.
Plaas op ‘n warm plek en laat staan tot skuimerig, vir sowat 10 minute.
Voeg die 125 ml koekmeel en 250 ml water by gismengsel en meng.
Laat staan vir nog 30 minute tot skuimerig.
Sif koekmeel, Nutty Wheat en sout saam in ‘n groot mengbak.
Roer gismengsel, kondensmelk, suiker, botter, eiers en oorblywende water by.
Meng tot sagte deeg en knie vir sowat 5 minute.
Plaas in ‘n gesmeerde mengbak en bedek met kleefplastiek.
Laat staan op ‘n warm plek om te rys tot dubbel in volume, vir sowat 1 uur.
Knie deeg af en vorm balletjies.
Pak in gesmeerde broodpanne, bedek met kleefplastiek en laat rys op ‘n warm plek vir sowat 45 minute.
Verf deeg met ekstra geklitste eier en bak in ‘n voorverhitte oond by 180ºC vir sowat 45 minute of tot bruin en gaar.
Breek beskuit in stukke of sny en droog oornag in ‘n louwarm oond uit.
Lewer sowat 50 beskuite.
Resep geplaas en foto: Louisa Rossouw Hollenbach
