KONDENSMELK MELKTERT MET VARIASIE
In hierdie resep gebruik mens die kondensmelk blikkie om die melk af te meet… Geniet hom maklik en heerlik.
- Kors:
- 1 pakkie Tennis beskuitjies fyn gemaak (of Marie beskuitjies)
- 80 – 100 ml gesmelte botter
- Vulsel:
- 1 blikkie kondensmelk
- 3 blikkies melk
- Intussen meng:
- ½ blikkie melk
- 2 eiers
- 45 ml Maizena
- 15 ml vlapoeier
- knippie sout
- 1 teelepel vanilla geursel
Maak die beskuitjiekors van beskuitjiekrummels en botter/margarien gemeng, vasgedruk in 1 groot ronde tertbak of 2 kleiner foil bakkies.
Meng die kondensmelk en 2½ blikkies melk en kook tot kookpunt in mikrogolf tot melk begin kook.
Sodra die melk begin kook, verwyder uit oond en klits die eiermengsel by, meng goed en plaas terug in mikrogolf. Kook vir 10 minute op hoog, roer elke 2 – 3 minute met ‘n “wisk” om seker te maak dit mengsel bly glad. Dit word van die kante af dik so maak seker dat jy die kante goed roer. Skep die vulsel uit in die kors. Sprinkel met kaneel.
Laat effens afkoel en plaas in die yskas om heeltemal koud te word.
Nota:
Ek gebruik Mariebeskuitjies, omdat Tennisbeskuitjies is te soet vir my.
Klits alles net baie goed, omdat die maizena geneig is om af te sak.
As jy lus voel: ek gooi soms so ‘n lekker klont margarien by nadat dit gaar is en finaal klits voordat ek dit in die tertbakke skep.
Nota en 2de foto: Magda Steenekamp
Ek maak die resep gereeld. Voeg laaste so 60 ml kakao by, dan het jy ‘n sjokolate melktert. My seun verkies die sjokolate ene.
Resep: Lorma Naude
Foto’s: Rina Kleinhans
- RESEP VIR GROOT LANGWERPIGE BAK
- 1 blikkie kondensmelk
- 4 blikkies melk
- 4 eiers geklits
- 5 opgehoopte eetlepels Maiz2na
- ¼ teelepel sout
- 1 teelepel vanilla geursel
- 1½ – 2 pakkie Tennis beskuitjies fyngemaak
- 120 – 200 ml gesmelte botter
Meng die koekiekrummels en die botter en druk vas in die gespuite bak as kors.
Verhit kondensmelk en 3½ blikkies melk en vanilla geursel.
Meng ½ blikkie melk en Maizena tot glad.
Klits eiers en meng met melk en Maizena.
Wanneer melk begin kook voeg eiermengsel en sout by en hou aan roer tot gaar en dik.
Giet oor koekiekors en besprinkel met kaneel.
Laat afkoel en verkoel verder in yskas vir 2 ure.
Foto van langwerpige bak: Lizele Riaan Nortje
This recipe was shared a few days ago and in all honesty it is one of the BEST I have tried for Milktart! I didn’t have cookies for a crust, so I just made a quick one.
- 80 g of butter
- 1/3 cup castor sugar
- 1 small egg
- 1 1/2 cups flour
- 1 1/2 teaspoons baking powder
- pinch of salt
Beat the butter with the castor sugar until fluffy (about 3 min) Add the egg and beat until mixed.
Mix the flour, baking powder and a pinch of salt together.
By hand, mix the flour mix to the sugar mix and mix until just combined.
Press into sides and base of tart dish (try to get this as thin as possible).
Freeze for 30 min. Bake at 200ºC for 15 min or until golden and cooked through.
Go and try this. It is so so tasty!
Recipe and photo of normal crust: Dalila De Barros Viljoen
Hierdie is my staatmaker resep al vir jare met klein melktertjies…. Ek plaas die gaar vulsel in die yskas tot heeltemal afgekoel en gestol, verkieslik oornag.. Dan klits ek dit met ‘n elektriese klitser tot glad… Plaas in ‘n spuitsak met ‘n ster nozzle, spuit die vulsel in gaar tert doppies en sprinkel met kaneel.. Kom pragtig uit…