KOFFIEKOEK MET ROOM EN KARAMEL

Resep: Lizelle Samons
Foto:  Ilze Jacobs

• 1 ½ koppie koekmeel
• 1 ½ koppie suiker
• 3 eetlepel kakao
• ¾ koppie olie
• ¾ koppie kookwater
• 6 eiers (geskei)
• 1 knippie sout
• 3 teelepel bakpoeier
• 1 teelepel vanilla geursel
• Sous:
• 1½ koppie suiker
• 3 eetlepel koffiepoeier
• 1½ koppie water
• 1 teelepel vanilla geursel
• Ekstra:
• 1 blik karamel (gewoon of cappuccino)
• 250 ml room
• Sif die koekmeel, suiker en kakao saam.
• Meng olie en kookwater en meng met die meelmengsel (Is nogal ‘n stywe deeg).
• Voeg geklitste eiergele by en meng deur.
• Voeg sout, vanilla geursel en bakpoeier by en meng in.
• Klop eierwitte styf en voeg by, meng deur tot net gemeng.
• Skep in voorbereide pan/bak.
• Bak teen 180ºC vir 28-35 minute of tot toetspen skoon uitkom.
• Kook die sousbestanddele saam en hou warm tot koek uit die oond kom.
• Steek die koek vol gaatjies met ‘n sosatie stokkie of ‘n dun messies en skep die sous oor die koek terwyl dit nog warm is.
• Laat die koek heeltemal afkoel.
• Klits karamel en smeer oor koek.
• Klop room styf en smeer bo-op karamel.
• Nota:  Zelda Ellis –  ek klits die room styf saam met die karamel om bo-oor te sit.