KOFFIE- EN PIESANGKOEK

Foto en resep: Anja Strauss

• Koek:
• 125 ml (½ koppie) olie
• 375 ml (1½ koppie) strooisuiker
• 4 eiers
• 5 ml (1 teelepel) vanilla geursel
• 500 ml (2 koppie) koekmeel
• 2,5 ml (½ teelepel) bakpoeier
• knippie sout
• 2,5 ml (½ teelepel) koeksoda
• 7,5 ml (1½ teelepel) koffiepoeier
• 15 ml (1 eetlepel) warm water
• 125 ml (½ koppie) karringmelk
• 250 ml (1 koppie) fyngedrukte piesang
• Stel oond op 180°C.
• Klits olie, suiker en eiers saam. Voeg vanielje by.
• Sif koekmeel, bakpoeier en sout saam.
• Roer koeksoda, koffie en warm water bymekaar tot opgelos. Roer karringmelk en piesangmoes by.
• Roer die meel en piesangmengsel om die beurt by eiermengsel tot goed gemeng.
• Skep in twee gesmeerde en gevoerde 20 cm koekpanne en bak vir 25 min of tot toetspen skoon uitkom. Laat goed afkoel voor versier word.
• Versiersel:
• 5 ml (1 teelepel) koffiepoeier
• 20 ml (4 teelepel) warm water
• 125 g (¼ blok) botter
• 750 ml (3 koppies) versiersuiker
• 20 ml (4 teelepel) sjokoladelikeur
• Maak koffiepoeier met warm water aan. Klits botter en voeg versiersuiker geleidelik by.
• Voeg koffie en likeur om die beurt by om mengsel te voltooi. Versier koek met versiersel en sjokoladekrulle.
• Nota: Ek het my eie kits karringmelk gemaak, die winkels sukkel om dit te kry. Onderstaande resep gebruik en gehalveer.
• Kits karringmelk:
• 1 koppie melk en 1 eetlepel witasyn of suurlemoensap – meng en laat staan vir 5 na 10 minute tot dit lyk of die melk split. Gebruik soos nodig.