Your Recipe Blog

KOEMKWATKONFYT

KOEMKWATKONFYT

My boompie het so baie koemkwatte aan eks nou al oor eet van dit en is suikersoet so met skil en al.
Ekt ook al uitgedeel en daar sit nog sommer baaaaaie.
Ek besluit toe om jam te kook. Nou lekkerder as die kooksel kan ek nie kry nie, dis soeper lekker maar ek moet bieg ook en die eksperte sal ook gou gou sê maar dis te donker. Dis nou die bieg: vroulief wassie by die huis nie en ekt buite besig geraak en toe ek weer byval was dit in totaal seker 3 ure oppie stoof maaaaar dis so lekker, ek sal alles eenvoudig opeet.
  •  1.5 kg koemkwarte
  • 1 kg suiker

Was die vruggies mooi skoon af.
Ontpit die ryp koemkwatte en sny die wit kern soveel as moontlik uit.
Probeer soveel moontlik uitsny van die groen want dit gaan die konfyt bitter maak.
Dit is die grootste werk om die konfyt te maak maar is baie nodig.
Verwyder dieselfde tyd die pitte en sny die koemkwatte is klein blokkies.
Strooi die suiker oor die vruggies in ‘n groot genoeg skottel en laat staan oor nag.
Bring die koemkwattertjies en suiker tot kookpunt en laat kook op stadige hitte tot die stroop die druppel oppie piering toets geslaag het.
Skep die skuimpies wat gevorm word af en voeg een eetlepel suurlemoen sap by en roer goed.
Bottel dit dan in gesteriliseerde flesse en siedaar nog ‘n lekkerte.

Resep en foto: Gideon Louw

Category:

Leave a Review

Your email address will not be published. Required fields are marked *

*

1 2 3 4 5