KOEJAWELVLATERT

Resep: Rachelle Reyneke
Foto geplaas deur: Meisie van der Colff

• Kors:
• 2 x 200 g pakkies tennisbeskuitjies, fyngemaal
• 150 g botter, gesmelt
• Meng die beskuitjiekrummels met die botter en druk vas in die voorbereide bak om kors te vorm.
• Vulsel:
• 15 ml gelatien
• 500 ml dik vla klaar gemaak
• 250 g roomkaas
• 1 blik ingelegde koejawels klein blokkies gesny
• Bespuit ‘n bak met kossproei.
• Roer 45 ml water saam met gelatien en laat staan tot gepons.
• Klits die roomkaas en vla met ‘n elektriese klitser tot daar geen klonte is nie.
• Verhit gelatien vir 10 sekondes in mikrogolfoond of tot gesmelt. Klits dan by die vlamengsel in.
• Giet vlamengsel in die voorbereide kors en laat verkoel vir 1 tot 2 ure.
• Versprei koejawels oor die vlatert. Sny in skywe en sit voor.