KNOFFELAARTAPPELS

10 aartappels, geskil
500 ml room
Robertsons knoffelvlokkies
Aromat
wit peper
gerasperde kaas

Voorverhit oond op 180°C.
Sny aartappels in baie dun skywe.
Plaas 2 lae aartappels op bodem van ‘n gesmeerde oondbak.
Strooi, aromat, peper en knoffelvlokkies oor.
Pak weer 2 lae aartappels en strooi, aromat, peper en knoffelvlokkies oor.
Herhaal metode tot aartappels opgebruik is.
Giet die room oor en bak in oond vir 30 minute.
Haal bak uit en roer versigtig dat boonste aartappels onder kom.
Sit terug in oond en bak vir nog 20 minute, haal uit en strooi gerasperde kaas bo-oor.
Bak vir nog 10 minute en haal uit.
Bedien en geniet!

Resep en foto: Heleen Brummer Nel