KNOFFEL EN KAAS SLAKKE

1 blikkie slakke
6 huisies knoffel, fyngekap
500 ml Cheddar kaas
250 ml vars room
125 ml melk
125 g botter
125 ml koekmeel
sout en pepper na smaak

Soteer die slakke in ‘n klein bietjie botter vir 2 min, en laat staan eenkant.
Smelt die botter tot van kleur verander en voeg die koekmeel by, roer baie goed.
Laat die mengsel so minuut braai totdat die meel gaar is.
Voeg die vars room en melk by en roer tot dat alle klonte uit is, en mengsel begin prut.
Roer die knoffel, kaas, sout en pepper by.
In ‘n slak bakkie skep ‘n teelepel vol van die witsous mengsel in elke holte.
Plaas ‘n slak in elke holte en met die oorblywende sous bedek die bordtjie.
Bak ongeveer 10 min teen 180ºC of tot mooi lig bruin bo.
Bedien saam met vars bruin brood.

Resep en foto: Ilona Turner